Popular Bible Verses from Luka 11

Share

Yukani benu bakholwa, lwazayaka kuheka bima bya bukheti kwena bana benu, Tata wenina kuna zilu, kahána phi Kitembu Kyatoma kwena bana bisikya mulomba!»

Amana meni, yiluzimbwadi ni lombenu, amana balúheka, sandenu amana lwaséngumuna, khokwatilenu amana balúyafwadila.

Mukuma mutu wosu wuna wisi lomba, bisi muheka; wuna wisi sanda, kisi sengumuna; amana phi kwena wuna wisi khokwatila, bayáfulula.

Yandi wábazimbwala: «Tangwa lubati lombila, zimbulakenu bwabu»: "Tata, khumbu yaku batomisaya; Kipfumu kyaku kyisa.

Tulolula mitsoki myetu, mukuma betu phi, tuloludi kwena batu boosu bana bisi tukota mitsoki. Amana tusadisa ndangu tubwaku mu phukumunu."

Tuheka, lelu, madya metu ma kosu kilumbu.

Disu dyaku dyena mwinda wa lutu; yukani disu dyaku dyakala bukheti, lutu lwaku lwosu lwakuyinika lwenina; kaasi yukani dyakukala dyafwa, lutu lwaku phi mu phipha lwenina.

«Ka mutu ku walemisa mwinda kikuma kya kuswekawa holo kusyawa ku tsi ya nzungu ya tuma; kaasi bisiwa sya hana muzanga; ndangu bana bakóta bamona kyesesi.