Popular Bible Verses from Abanyaroma 8

Share

Tuzi kandi ko byose bifatanyiriza hamwe kuzanira ibyiza abakunda Imana, abo yahamagaye nk'uko yabyiyemeje.

Koko rero ndemeza ko nta kizadutandukanya n'urukundo rwe, ari urupfu cyangwa ubuzima, ari abamarayika cyangwa ibinyabutware bigenga isi, ari iby'ubu cyangwa ibizaza, ari ibinyabubasha, ari ibyo mu ijuru cyangwa iby'ikuzimu, ari n'ikindi cyaremwe icyo ari cyo cyose, nta na kimwe kizabasha kudutandukanya n'urukundo rw'Imana rugaragarira muri Kristo Yezu Umwami wacu.

Bityo Mwuka adusanga dufite intege nke akatwunganira. Koko ntituzi gusenga nk'uko bikwiye, ariko Mwuka ubwe adusabira ku Mana na we aniha, kandi uko aniha nta wabona uko abivuga.

None se ibyo twabivugaho iki? Ubwo Imana itwemera ni nde uzaturwanya?

Ubu rero abari muri Kristo Yezu nta teka bacirwa

Guharanira ibyo kamere ishaka bibyara urupfu, naho guharanira ibyo Mwuka ashaka bibyara ubugingo n'amahoro.

Ariko muri ibyo byose turushaho gutsinda tubikesha uwadukunze.

Ndatekereza ko imibabaro yacu yo muri iki gihe ntaho ihuriye n'ikuzo Imana izaduhishurira.

Ni nde uzadutandukanya n'urukundo rwa Kristo? Ese amakuba yabishobora, cyangwa ishavu, cyangwa ugutotezwa, cyangwa inzara, cyangwa ubukene, cyangwa akaga, cyangwa urupfu?

Nyamara Imana ireba mu mitima izi imigambi ya Mwuka, kuko asabira intore zayo ibihuje n'ibyo ishaka.

Koko rero abayoborwa na Mwuka w'Imana ni bo bana b'Imana.

Abayoborwa na kamere yabo baharanira ibyo kamere yabo ishaka, naho abayoborwa na Mwuka baharanira ibyo Mwuka ashaka.

Ubwo itimanye Umwana wayo bwite, ahubwo ikamushyikiriza abamwica ari twe twese azira, izabura ite kuduhāna byose na we?

Mwuka ubwe ni we utwemeza mu mitima ko turi abana b'Imana. Ubwo turi abana bayo rero, ni natwe yageneye umunani. Koko Imana izaduha umunani, ndetse tuzawuhānwa na Kristo. Ubwo dufatanyije na we imibabaro, tuzahabwa ikuzo hamwe na we.

Ni yo mpamvu abaharanira ibyo kamere yabo ishaka ari abanzi b'Imana, ntibumvira Amategeko y'Imana, nta n'ubwo bashobora kuyumvira.

Ibyaremwe byose bitegereje n'ubwuzu bwinshi igihe Imana izahishura abana bayo.

Tuzi ko na n'ubu ibyaremwe byose biniha, bikanababazwa nk'umugore uri ku nda.