Popular Bible Verses from Zaburi 119

Share

Ijambo wavuze ni itara rīmurikira, ni urumuri rumurikira imigenzereze yanjye.

Ibyo wavuze mbihoza ku mutima, kugira ngo ntagucumuraho.

Mbese umusore yagenza ate ngo agire imibereho iboneye? Yakurikiza ijambo wavuze.

Hahirwa abitondera ibyo yategetse, bakamwambaza babikuye ku mutima.

Uri ubuhungiro bwanjye n'ingabo inkingira, Ijambo wavuze ndacyaryiringiye.

Umpe ubwenge njye nkurikiza Amategeko yawe, nzayitondera mbikuye ku mutima.

Unkundishe ibyo wategetse, aho gukunda inyungu.

Gucishwa bugufi byangiriye akamaro, byatumye menya amateka watanze.

Igihe nari mfite umubabaro ryarampumurije, ibyo wavuze birampembura.

Unyobore inzira amabwiriza yawe ateganya, kuyinyura biranshimisha.

Uhoraho, unyigishe gukurikiza amateka watanze, nanjye nzahora nyakurikiza.

Dore ndarizwa n'agahinda, unkomeze nk'uko wabisezeranye.

Mbega ukuntu nkunda Amategeko yawe! Ni yo ntekereza umunsi ukira.