Popular Bible Verses from Imigani 13

Share

Kugendana n'abanyabwenge byigisha ubwenge, kubana n'abapfapfa bigira ingaruka mbi.

Uwirinda mu byo avuga aba arinze ubugingo bwe, naho uvuga menshi ararimbuka.

Udahana umwana we ntaba amukunda, nyamara ukunda umwana we aramucyaha.

Icyizere kiburiyemo gishavuza umutima, naho icyifuzo cyujujwe ni isōko y'ubugingo.

Ubutungane burinda indakemwa, icyaha cyo gitera inkozi z'ibibi kurimbuka.

Ubukire bwa huti huti mu buryo bubi burayoyoka, nyamara uburundanyijwe buhoro buhoro buriyongera.

Umwirasi akurura intonganya gusa, nyamara ubwenge bugirwa n'abemera kugirwa inama.

Umuntu ugwa neza asigira umurage abazamukomokaho, nyamara umutungo w'abanyabyaha ubikirwa intungane.

Umwana w'umunyabwenge akurikiza inama za se, naho uw'umunyagasuzuguro ntiyemera gukosorwa.

Uwanga guhanwa yikururira ubukene n'ikimwaro, nyamara uwemera gucyahwa arubahwa.