Popular Bible Verses from Luka 9

Share

Păng lah ma lĕ rngôch: “Tơlah mbu nơm ŭch tĭng Gâp, ăn păng dun khân păng nơm, ăp nar tuy si tâm rkăng khân păng nơm gay tĭng Gâp.

Yorlah mbu ŭch rklaih nau rêh păng nơm mra roh, ƀiălah mbu yor Gâp roh nau rêh mra rklaih nau rêh păng nơm.

Brah Yêsu plơ̆ lah: “Mbu nơm kuăn chuar ƀiălah uănh tay pakơi, mâu gop ma ƀon bri hađăch Brah Ndu ôh.”

Moh nau khlay tơlah du huê bunuyh geh lĕ neh ntu ƀiălah păng nơm roh rai mâu lah ngroh lơi săk păng nơm?

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

jêh ri lah ma khân păng: “Mbu nơm rom kon se jê̆ aơ tâm amoh Gâp nâm bu ntĭt rom Gâp, bi mbu rom Gâp nâm bu ntĭt rom Nơm hŏ njuăl Gâp. Yorlah mbu nơm dŭt jê̆ tâm phung khân may jêng bunuyh dŭt toyh.”