Popular Bible Verses from Yôhan 16

Share

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Tât aƀaơ, khân may ê hŏ dăn moh ndơ ôh tâm amoh Gâp. Dăn hom, khân may mra dơi geh, gay ma nau maak khân may dơi rĭng.

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may. Nôk Păng tât ta aơ, Păng mra nduyh nkra phung neh ntu ma nau tih, ma nau sŏng srăng jêh ri ma nau phat dôih.

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may. Tâm nar nây, khân may mâu hôm ôp Gâp đŏng ôh. Nanê̆, Gâp lah ngăn ma khân may, moh nau khân may dăn ma Mbơ̆ tâm amoh Gâp, Păng mra ăn ma khân may.

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.