Popular Bible Verses from Mak 1

Share

Anị ḅụ éné baá, dedefụfụ ḅụ éné ma náa findi sọ findigha sáá, Jizọs warị saghị sị wárị ma wáriso. Ori ámá bie ma warisom sị kị́nị́ ófórigha angaá múm o muu tẹ́ghẹ̄ angaá.

Warị ḅẹẹ, <<Sáá ma láamam, Tamuno Ásẹ́mẹ́kiri ma kikiamam! Ọmịnị ọmịna sii ḅụ pịghị sị ibi oku ma minini!>>

Jizọs mingi ma bie saghị págháḅo gbẹ́rẹ́kirikiri, o so arịm anị findi sáá sị Tẹ́mẹ́ ma arịị anị ọ ḅụ ḅo gbánāarị elesia ḅara ma. Gbẹ́rẹ́ pụghọ warị sobie saghị kóróḅo, ḅẹẹ, <<Ịrị anịị a ḅẹlẹma Tụ́wọ ma, a ị dighi bieḅẹlẹm.>>

Irị mingi anịị a pa ọ sárá nyẹ, kụ́ma ori Tọ́ntọ́ Tẹ́mẹ́ ma pa mingi pa ọ sárábẹm.>>

Jizọs warị n ḅẹẹ, <<Ọmịnị i dua, a ọ diebẹm ọ ḅára warị túminị́ kuu bẹ ḅara.>> Anị gbẹ́rẹ́kiri nnị nna ịgbọ warisom sị o duam.

Ọ ḅára warị nyẹ ma die ḅara ma túminị́ ma tọ́rụ nẹngịm, ori nna ólóghó nyẹ́dieapụ kịkagha kụ́ma kụ́rọ nyánáḅọ ḅara ma, anị ọ pa nyẹ́die nyẹẹ.