Popular Bible Verses from Matiu 25

Share

<<Ámányánáḅọ ma nnị pagharabẹm, <A karakárányẹ ma dugho ọ pịrịm. Ọ mịẹ mịnga ị́yẹ́ amịna owiapụ ma ḅụ ịrụḅaḅọ pịrịnyẹ gonyẹ́ gonyẹ́, ọ mịẹ i pịrịm!>

<<Ọ nyánáḅọ pagharam, <Ị mịẹlamam ịrị ibi pịghị sẹ kụ́rọ fịrịnwngiḅọ! Dụḅagha nyẹ ḅụ i sẹ kụrọmam. A tọgha nyẹ pa i ḅarabie suabẹm. Sọḅo sị ḅo ị nyánáḅọ na bieḅẹlẹ!>

Ḅẹẹ nyánáḅọ gonyẹ́ gonyẹ́ n pịghị jẹ́ pa n ḅọ pịrịbẹm, sị n ḅo tọgha tọgha nyẹ nyánábẹm, nyánághaḅọ gonyẹ́ gonyẹ́ n ḅo nyáná kálányẹ ma nnị n ḅo ḅarabie anị ákịbẹm.

<<Anịgosi ọ tọ́rụ́ pa asọ dighi tegó ọmịnị éné ma anịgha sáá ma nimigha.

Ḅẹẹ ḅuru i tárịm ọmịnị nyẹ́ pa i pịrịm sị a fị, i pụghọ sámụ́nọ́m ọ pịghị nyẹ́ pa i pịrịm sị a ḅuu, irị kọkọ igoniḅọ ọ pịghị i daa warị sum.

<<Ọ nyánáḅọ pagharam, <I mịẹlamam, ịrị ibi pịghị sẹkụrọ fịrịnwangịḅọ! Kálányẹ ḅụ i sẹkụ́rọmam. A tọgha nyẹ pa i ḅarabie suabẹm. Sọḅo si ḅo Ịnyanaḅọ na bieḅẹlẹ.>

A suabịtẹ dọ́ghụm, ọ pịghị suabịtẹ pa i suam, a obim, ọ pịghị i dighidighim, a kọkọ i ịkóli bie imi, ọ pịghị ḅo i dighim!>