Popular Bible Verses from Luk 8

Share

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

Emwiokọ ni dele ye otọ okuta mudia ye ihe iran ni họn ẹmwẹ nii, iran na ye oghọghọ miẹn rẹn, sokpan ọ ma mu iran ekhọe, iran keghi yayi vbe ẹghẹ kherhe, sokpan edanmwẹ ghi rre, ehia keghi dele.

Rẹn keghi tama avbe erhuanegbe wẹẹ, “Iyayi rua vboo?” Sokpan unu yan iran, ohan kevbe gha mu iran, iran na suẹ gha nọ egbe wẹ, “Gha ọmwa na khin? Ọ gu ẹhoho kevbe ogbigbi ẹzẹ guan, iran wa họn.”

Emwiokọ ni dele ye adesẹ odẹ ọrọre iran ni te họn, sokpan esu keghi do rhie ẹmwẹ ni hin iran ekhọe rre, ne iran ghẹ miẹn ehe na yayi ne a miẹn iran fan.

“Emwi ne a rhirhi rhie lẹre gha dinna azagba, a gha vbe miẹn emwi ne a guere a ghi mu ẹn dinna idagbo.

Okhuo ni ghi miẹn ighe ọ vẹ nẹ, ọ keghi ye uguọmwẹ do de gbe otọ vbe akharha Jesu. Ọ keghi wa sirra emwa hia tama rẹn emwi ne ọ ya irẹn ya obọ kan rẹn, kevbe vbe ne egbe wa rran irẹn hẹ vbe ọwarọkpa nii. Jesu keghi tama rẹn wẹẹ, “Ovbi mwẹ, iyayi ruẹ muẹn egbe rran nẹ. Gha khian vbe ọfumwegbe.”

Avbe erhuanegbe keghi bu Jesu gha dee, iran huẹn ọnrẹn wẹẹ, “Arowa ghe ighe ma wiri!” Jesu keghi gua kpao, ọ gu ẹhoho kevbe ogbigbi amẹ ni guan, ehia keghi rọọ, ehe hia keghi furre khuẹrhẹ.