Popular Bible Verses from Luk 17

Share

Jesu keghi tama rẹn wẹ, “Kpaegbe ne u gha khian, iyayi ruẹ mu ẹn egbe rran nẹ.”

Ọ gha ru emwi khọ igba ihi-nrọn vbe ẹdẹ, ọ na vbe rre igba ihinrọn ni do rinmwian, ghẹ mwẹ u ma ya bọ ẹe.”

Ọkpa vbe uwu iran ghi miẹn ighe egbe rran irẹn, ọ werriegbe, ọ na gha go wan Osanobua. Ọ keghi de gbe otọ vbe akharha Jesu, ọ na kpọnmwẹ ọẹn. Ovbi Sameria ọre nọ.

Wa khẹ yegbe! Ọtuẹn gha ruẹ emwi khọọ, guee gui, ọ gha fi ekhọe werriẹ, ya bọ ẹe.

Jesu keghi kha wẹẹ, “Arhin igbe ọre a sinmwi, ihinrin ni dekẹe ghi vboo?

Nọyaẹnmwa wanniẹn wẹẹ, “Deghẹ wa mwẹ iyayi ne ọ kpọlọ sẹ vbe ikpẹ itaba, wa gha sẹtin khama okperhan na wẹ, ‘Si vbọ ne u ya de zọ ye uwu okun!’ ọ ghi gele họn ẹmwẹ.

Ọmwa ne ọ wẹ rẹn ra sinmwi orhiọn rẹn gha mu ẹn fua, ọmwa ne ọ mu orhiọn rẹn fua gha miẹn ọẹn rhie.

Jesu tama avbe erhuanegbe ẹre wẹẹ, “Ẹ i mwẹ ne emwi ne ọ ya ọmwa ru orukhọ ghẹ sunu, sokpan ọ sọ re ighe ọmwa ne a gha lẹ ọre ginna re obọ! Ne a de olọ ẹrẹkhẹrẹ ye ọre urhu mu fi uwu okun ọre ọ maa sẹ ne ọ si ọkpa vbe uwu iran ne giẹrẹ na la orukhọ.

Vbene ọ gha ye vbe ẹghẹ Noa, erriọ ọre ọ gha vbe gha ye vbe ẹghẹ Ovbi Ọmwa. Emwa kegha re, iran na gha da, iran na gha rọnmwẹ egbe rhinrin ya sẹ ẹdẹ ne Noa la okọ. Uromwẹ amẹ keghi rre, ọ na fuẹn iran hia ua.