Popular Bible Verses from Gẹnẹsis 39

Share

E Nọyaẹnmwa keghi mudia ne Josẹf, ọ na ye emwi hia gha maa nẹẹn. Rẹn kegha rre owa arowa ẹre ne ọmwa Igipt nii.

E Pọtifa keghi viọ emwi ne ọ mwẹ ne Josẹf ne ọ gha gbearoghe. Ẹ i ghi vbe si osi ye emwi rhọkpa gberra evbare ne ọ re. E Josẹf keghi re ọmọ ne ọ zọ ẹse ne ọ vbe mose.

Ọ keghi mu e Josẹf ye ne ọ gbearoghe avbe oleghan nekpa hia. Rẹn ọ re ọ ghi gha re ne ọ ta emwi ne a gha ru vbe uwu eghan.

Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba. Sokpan e Nọyaẹnmwa keghi mudia ne Josẹf, ọ na vbe tohan rẹn sẹrriọ ne a na miẹn wẹ ẹmwẹ ọnrẹn kegha yẹ eseghan.

Ọ ma ghi he kpẹe, amwẹ arowa Josẹf kegha ye aro ta ọta vbe egbe ẹre. Okhuo nii keghi tama rẹn wẹẹ, “Do gunmwẹ lovbiẹ.” Rẹn keghi he, ọ tama okhuo nii wẹẹ, “Arowa mwẹ i ghi vbe si osi ye emwikemwi ni rre owa na, rhunmwuda ighẹ I rre emwa. Ọ viọ emwi hia mẹ nẹ ne I gha gbearoghe. Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Sokpan, ọ ghi sẹ ẹdẹ ọkpa, ugbẹn vbe Josẹf ghi la uwu owa ne ọ ya winna iwinna rẹn, eguọmwadia rhọkpa ma vbe sikẹ evba, Okhuo nii keghi sobọ ye ọre ukpọn, ọ wẹẹ, “Gun mwẹ ru emwi.” Sokpan rẹn keghi sinmwi egbe ladian ore, vbe ne ọ na sẹ ẹwu ẹre rae ne okhuo nii.