Popular Bible Verses from Ẹksọdọs 20

Share

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa. “Ohan i gie uwẹ mwẹ osa ọvbehe ba imẹ.

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ. Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

“Ye Ẹdẹ Ikẹtin rre ne u ya ẹe ru emwi ne ọ huanrẹn ne Nọyaẹnmwa.

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹdẹ ehan ọre u gha ya gha winna iwinna ruẹn hia, sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

“Ghẹ ba mu ẹmwẹ ohoghe ba ọmwaikọmwa.

“Ghẹ ghẹẹ.

“Ghẹ de izigha.

“Ghẹ rha a.