Popular Bible Verses from Matiyu 16

Share

Kǝnggwa Yeso jan be etsonchi mbwe binbin jan, “Ano ende akan nda anga ge e ba m, ge no kenm ga se chu ye, na dgyan ge e ngǝ ekan, ge e ba m.

Asuswana m jan o anga, a bo wa Bitru, (tú anga wa ten). A chu ten ena ma mbwe be nobǝ mam, be ya a tsǝ́ekǝ̀n a chu m ángá. Echakpo mo fǝ a bwe a ti ye nó mò akan ra.

Ma no o mofkimo mo zǝnotì a kpe. Egwa egwa mo mò a o tèfǝn ara a tswa zǝnchaje ena, a no etèfǝnm a kpe, ngge mò a o fken ara a tswa zǝnchaje a no efkenm a kpe.”

Adia ende e dgyan ge e dgon nya mbwe, a ben ye nó ra, tea ende e ti nya mbwe no adi edgyan mbwe a chu m, a dgon nó.

Esese hon a nobǝ a ben ángá a ano, ano ge ben gu be mò a tswa zǝnchaje ena, n ben ye nya mbwe ra? Eno e ra mò a nobǝ ti a no efwe a chu nya mbwe anga a ano?

Gè ká be eka jan, “Tea ḿ mo nye wá? Nye jan, a me ma ara?” Sima Bitru è janfwe ye, “A bo wa Kristi hon, Nwen mo Ehwya e no angǝ ángá.”

Yeso è janfwe ye, “Esese a a bo, Sima nwen mo Yunana, adia fwa ye nobǝ akan fijan o nó a ge ra, tea Àtà m e no a kpe ángá.