Popular Bible Verses from Yohana 3

Share

“Adia Ehwya è dgyan be nobǝ mo zǝnchaje àywá, gè tson Nwen ye akan tete bwa, evǝa egwa egwa nwene e tsǝ́ekǝ̀n a chu Nwen hon, a tkò a didi ye ra, tea ga ben nya e no a fwa efwam ángá.

Adia Ehwya e tson ye Nwen ye hon shwa ye a tswa zǝnchaje abu ge e kpèn be nobǝ mo zǝnchaje kǝ́nfǝ ra, tea adi efka mbwe be e ben ega.

Yeso è janfwe ye jan, “Me e jan o ebi, ende a kwa a tswa zǝnotì mo Ehwya ángá fwa ye ra, kpwà tén ano be mbwa ara ye adi e fà.”

Egwa egwa e tsǝ́ekǝ̀n a chu ye, ba kpèn be ye kǝ́n ra, tea egwa egwa e tsǝ́ ye ekǝ̀n a chu ye ra, be kpèn fwa ara ye kǝ́n adia ge tsǝ́ ye ekǝ̀n a chu Nwen mo Ehwya, Nwen akan tete hon ra.

Kǝ́n hon no a chu fwa ena: Enggasansan mo Ehwya shwa a tswa zǝnchaje, tea be nobǝ dgyan ti ara etwafǝfǝ chàshín enggasansan adia be mò a be bwe anga, a be mofǝ̀.

Ge no kenm, ge e no tu e bi anga chafya chafya adi egǝ̀n, a me ma no vǝ́ anga eshin eshin.

Binbin mo be ya e bwe mofǝ̀ anga ze enggasansan hon, n ken be a zǝn enggasansan hon ena ra, adia be tsen anga jan be nobǝ a di be ebgen mo be.

Ende e tsǝ́ekǝ̀n no a chu Nwen hon ben ara nya e no a fwa efwam ángá, tea ende e segwa Nwen hon a di ye nya ra, tea engo mo Ehwya no a kpwà a chu ye.”

Abu Mosa è kan mokan a bè bwe ngge tsemo a be fǝ́ anga tagula, etkyen a tswavǝ́n adi tuetsǝ́n ángá, ge no kenm, ba kan Nwen Nobǝ etkyen

Àtà hon dgyan Nwen hon nè ti mò binbin du ara ye no a bu.