Popular Bible Verses from Luka 17

Share

Nǝngɔ Yesu a sʊwa gǝn gɔ, “Gun yilo, nǝtǝm bɨlǝngkɛl mʊnɔ nǝn gɔ a gung ńi.”

Na a maa mʊn bwɨlangkɛl naagɔ nʌbʌl a kɔkɔɨ, nǝngɔ a yǝla bɛ naagɔ nʌbʌl a daa mʊ woi gɔ ń kǝlǝm gǝmɨ, bɛ ń kǝlǝm gǝm.”

Nǝngɔ win a kʊm jin a kuwo Yesu a gung gǝnɨ, a yǝla a bɛ a daa Yesu woi, bǝlá Kwaama lɛ nǝn diil. Nǝngɔ ba jʊng a kǝga Yesui, a buu gǝm kangɨ. Balɨ nɨ ke bɔ bwɛ Yahudaɨ. Gǝ na a tǝm Samariya.

Bɛ jǝ́ kɨla dul jenɔ! Na kɨla mɔ a maa mʊn bwɨlangkɛlɨ, bɛ ń ga gǝn. Na a saa kǝlǝmtǝmɨ, bɛ ń kǝlǝm gǝm.

Yesu a bʌ gɔ, “Ke bɔ nǝbɔ kʊb ja nya gungtǝmɨ ka? Tangǝnɔ tʊlkʊbɨ jǝ fee?

Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”

Nʊ nɨ swɨ nyatǝm kʊlɨ gǝnɔ lɛɨ, jʊ jʊ. Nʊ nɨ a lɛ kʊlɨ gǝnɨ, bʊʊ bʊʊ nǝn.

Yesu a sʊwa bɛtɔ mɛlalɨ gǝnɔ gɔ, “Kanjǝl nɨ dǝg nǝbɔ maatǝm bwɨlangkɛl lɛɨ bɛ bɛ. N mwɛ nʊ nɨ gʊba kanjǝl nɨ lɛ a bɛ nǝnɨ. A laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma, na gǝ dǝg dǝg kaa win a kʊm bɛtɔ dwalǝn nɨ a maa bwɨlangkɛlɨ.

“Kanga a bwɨm nǝn jol Nuhui, yǝlam nyɔ tag nǝn jolɔ Bʊla Nǝlɨ yǝla bɛm lɛɨ. Nǝbɔ ja lɛ, nɔɔ lɛ, jǝ naa nɔɔtǝmɔ lɛ, jǝ nǝbka naakanɔ lɛ, a ba la nǝn kumɔ Nuhu a dɔm mʊgɔ tɨyamwɛngɨ. Nǝngɔ mwɛmɔ a swiyo a yii tǝmɔ gwamɨ, a jʌbo nǝb nɨ mɨ a mʊgɔ tɨyamwɛngɨ.