Popular Bible Verses from रोमियां 2

Share

ते हे बन्दे, तु जको इसड़े-इसड़े काम करने आला उपर दोष लावी, ते खौद्द ही ऊंही काम करी, का तु समझी पला कि तु नरीकारा ची ङण्ड ची आज्ञा कनु बचती जाये? का तु बङी भलाई ते सहनशीलता, ते धीरजरुपी धन्‍न नु तोच्छ समझी? ते का ईं ना समझी कि नरीकारा ची भलाई तनु मन फिरावणे ची ओर गेहती जाये?

ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

कांकि नरीकार काया पक्षपात ना करी।

कांकि नरीकारा ची नजरी मां, व्यवस्था नु सुणने आले धर्मी कोनी, पर व्यवस्था उपर चलणे आले धर्मी ठहराले जाये।

नरीकार हर-हेक नु ओचे कामा चे अनुसार बदला ङिही।

पर जको स्वार्थी छी ते सच्‍चाई नु ना मनी, बल्कि अधर्म नु मनी, वांचे उपर क्रोध ते क्रोप पड़ी।

पर आपणी कठोरता ते हठीले मन चे अनुसार, ओचे क्रोध चे ङिओ वास्ते, जाये मां नरीकारा चा सच्‍चा न्यां प्रकट हुवी, आपणे वास्ते क्रोध कमावी पला।