Popular Bible Verses from मरकुस 16

Share

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले। वे आपणे हाथा मां नाग़ा नु पकड़ती गिहे ते वे अगर जहर वी पीती गिहे तां वांची कहीं वी हानि नी हुवी, वे बिमारा उपर आपणे हाथ मेहले, ते वे ठीक हुती जाये।”

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

ओणे वानु केहले, “चकरावा ना, तम्ही ईशु नासरी नु, जको क्रूसा उपर चढ़ाला गेलता, सोधा पलीया। ओ इठे कोनी, जीता हुती गेला, ङेखा, हाओ वा जग़हा छै, जिठे वाणे ओनु मेहले हुते।

जब वाणे आंखीया चलीया, तां ङेखले कि पत्थर उठु लुढ़कला पला, ओ ब़ोहत ही बङा हुता। कब्री चे भीतर जती कर वाणे हेके जवाना नु चिट्टी ओढ़णी घाले हुले सज़्ज़े पासु ब़ेहले ङेखले, ते ब़ोहत चकराती गेलीया।