Popular Bible Verses from लूका 17

Share

जब ईशु ने ओनु केहले, “उठती कर चाह्‍ला जा, कांकि तु माये उपर विश्‍वास करला ते दुधे विश्‍वास ने तनु ठीक करले।”

अगर ङिओ भर मां ओ सात वारी दुधे बारे मां पाप करे ते सात वारी दुधे गोढु बल्ति आती कर किहे, ‘मैं पछतावे पला,’ तां ओनु माफ कर।”

बल्ति वांचे महु हेके ने ईं ङेखती कर कि मैं ठीक हुती गेला, ऊंची अवाजी मां नरीकारा ची बढ़ाई करता हुला पुठा आला। ते ईशु चे पग़्ग़ा मां मुँहा भराणे ढेती, ओचा धन्यवाद करु लाग़ला, ते ओ हेक सामरी हुता।

“सचेत रिहा, अगर दुधा भऊ अपराध करे तां ओनु दड़का, ते अगर पछतावे तां ओनु माफ कर।

ऐचे पर ईशु ने केहले, “का ङस शोद्ध कोनी हुले तां बल्ति वे नाओ किठे छी?

प्रभु ने केहले, “अगर तम्हानु राई चे ङाणे चे बराबर वी विश्‍वास हो, तां तम्ही ऐ सतूता चे दरख्ता नु किहा, ‘जड़ही कनु उखड़ती कर समुन्दरा मां लाग़ती जा,’ तां ओ तम्ची मनती गिहा।

जको कुई आपणी जीन्दगी बचावणा चाहवे ओ विनु गुंती ब़ेसी, पर जको आपणी जीन्दगी गुंवी ओ विनु जीते राखी।

बल्ति ईशु ने आपणे चैला नु केहले, “हो ना सग़ी कि ठोकरा ना लाग़ो, पर हाय, ओ इन्साना उपर जाई वजह कनु ठोकरा लाग़ी। जको कुई यां छोटा महु कानु ठोकर खुलाओ, ओचे वास्ते ईं भले हुवीया कि घर्टी चा पोड़ ओचे गले मां लटकाला जईया, ते ओ समुन्दरा मां नाखती ङिला जईया।

जिंवे नूह चे ङिहां मां हुले हुते, यूंही मैं इन्साना चे पूता चे ङिहां मां वी हुवी। जिसे ङिओ तक नूह जहाजा उपर कोनी चढ़ला, ओ ङिओ तक लौक खाते-पीते, ते वांचे मां बीहा शादीया हुतीया, तब जल प्रलय ने आती कर वां सब नु नाश करले।