Popular Bible Verses from लूका 12

Share

तम्ही वी तियार रिहा, कांकि जेस घड़ी चे बारे मां तम्ही सोचा वी ना, वे घड़ी, मैं इन्साना चा पूत आती जई।”

पर ओचे राज़ ची खोज मां रिहा, तां ये चीजा वी तम्हानु मिलती जाये।

ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”

कांकि जिठे तम्चा धन छै, उठी तम्चे मन लाग़ले रिही।

तम्चे महु इसड़े कूण छै जको चिन्ता करने लारे आपणी उम्री ची हेक घड़ी वी बधा सग़े?

बल्ति ईशु ने आपणे चैला नु केहले, “ऐवास्ते मैं तम्हानु किहे पला, आपणे प्राणा ची हा चिन्ता ना करा कि अम्ही का खऊं, ना आपणे शरीरा ची कि का घालु।

तम्चे ठोङा चे माल वी सब गिणले अाले छी, ऐवास्ते ङरा ना, तम्ही ब़ोहत गैरा कनु बढ़ती कर छिवा।

“हे छोटा झोण्ड ना ङर, कांकि तम्चे ब़ा नरीकारा नु खुशी छै ते ईं भावे कि तम्हानु राज़ ङियो।

काग़ा उपर ध्यान ङिया, वे ना राहवी, ना बाढी, ना वांचे भण्डार ते ना वांचे पेएड़ रिही, तां वी नरीकार वानु पाले। तम्चा मोल पखीयां कनु कहीं ज्यादा छै।

ते तम्ही ये बाते ची खोज मां ना रिहा कि का खऊं ते का पीऊं, ते ना शक्‍क करा।

ऐवास्ते अगर नरीकार जंगला चे खड़ा नु, जको आज़ छै ते सुवारे भाड़ मां झोंकती ङिले जई, इसड़ी ओढ़णी घलावे, तां हे अल्पविश्‍वासी लौक, ओ तम्हानु ऐकनु बढ़ती कर कां नी घलावी?

ते कहीं ढकले कोनी पले, जको खोड़ले ना जाओ, ते ना कहीं लुकले आले छै, जको जाणले नी जई।