Popular Bible Verses from यूहन्‍ना 17

Share

सच्‍चाई चे जरिये तु वानु सेवा चे कामा मां पवित्र कर। दुधा वचन सच्‍चा छै।

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

“मैं हेको यांचे वास्ते प्राथना ना करी, पर वांचे वास्ते वी जको वांचे वचना चे जरिये माये उपर विश्‍वास करे। हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

मैं हा प्राथना ना करी कि तु वानु संसारा महु चती गे पर ईं कि तु वानु ओ दुष्ट कनु बचाली राख।

वा महिमा जको तु मनु ङिली मैं वानु ङिली, कि वे यूंही हेक हो जिंवे कि अम्ही हेक छिऊं। मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।