Popular Bible Verses from Romains 10

Share

Okô éwe ônigôa akoo na mônyee woo mbe Jésus te Kumu éoo, na ôsatsuma ngudi yaNzambé paga mbe amakundua Jésus g’ôwa, éwe ôngoobou.

Gôébégô môma eetsa Nzambé môtémedi gémôtsumé paga, na Nzambé eena angô ti eembe asaba n’oési. Môma anigôa na mônyee wedi amuene na Nzambé amôoboo.

Ekegea te nane. Môma eetsa môtémedi gétsumé Nzambé paga te gôôkô angô mane meekéduni. Mane meekéduni dôta te mangô mapandôéda mane mamavovo Jésus-Christ.

Matendeo MaNzambé matônigôa mbe: Gôndé ône eetsa Nzambé môtémedi asangatsikô na tsoyi. Tambô gôndé Ajuif na ane asaba gô éongo éAjuif gôsaba éômbé ébaé. Kumune éaô te épo. Akaba mane medi mamisôba na gôndé muetso ahwesea na gôndé angô gôémôduka. Te gatônigôu na Matendeo MaNzambé mbe: Muetso angabambéa ina aKumu Jésus angoobou.

?Tsangône énganigôganéô nayee? môékédi gékudégu na wangô. Te ganigôa Matendeo MaNzambé mbe: Matambé mayeta ône atsua Tsangô Eamôsôba éaGétabé saNzambé, manyepa.

?Nayee angamôbambéa, gône atsuma angô paga¿ Angeetsangô mitéma miaô madeo ahsiôkô inedi, nayee¿ Angookô ahngô gébé na môma atsua angô tsangône gôémônigôa, nayee?

Ene émakônza Nzambé te mbe Christ te gédugédéô samigemie na mitômamie mimeetsô Moïse gômbe muetso ane eetsa Christ mitéma miaô eenanô na Nzambé ti eembe asaba n’oési.