Popular Bible Verses from Johannesi 19

Share

Apa gha manine Jesusi kupopora vinyu ghomasheshe, gha ningire eshi: “Yina rikanya!” Ko kukoteka mutwi wendi ko kufa keho.

Munyima gha dimukire Jesusi eshi, yina rikanya yoyiheya, no eshi yi pwe kurikanyitha yitjanga gha ningire eshi: “Na fu dinota.”

Pakumona Jesusi nyina, namukathishongero yu gha hakire thikuma ha nemana kukwendi, gha ningire kwanyina eshi: “Nawe, mwanoye ne yo.” Munyima gha ningire kwamukathishongero eshi: “Nyoko ne yo.” Kutunda mudiyuwa di, mukathishongero gha shimbire nyina kundhugho dhendi.

Ene pa ha henyine kwaJesusi no kumona eshi ghana fu, mbadi ha tjorire maghuru ghendi. Ghumweya ghopawamashorondate, gha tuyurire matji dhendi nodighonga, popo vene ko kundendesha mo manyinga nomeyu.

Ya karire kemo yi kone kurikanya yitjanga eshi: “Nothishokora temba mba tjora papendi.” Thitjanga thimweya tha ghamba karo eshi: “Mbana dighamena koyu ha twire.”

Jesusi thinda gha shimbire thikurushe no gha shwaghire, gha yende kudyango dyokateneghere, thika di ha di toya mu Thiheburayi eshi: “Golgata.”

Hamashorondate ha thetire n̂ata dhomighunga, no ha dhi mu kurekire kumutwi wendi.