Popular Bible Verses from ROM 12

Share

Agokloh joi care mai ku dunia adeh tapi biarloh Jenang Kibeh peniker engkek kijadi pai supaye engkebeubah. Amen begei ajeh, engkek doh engkepanei heknod Jenang de bor, de kipesenang Isengik, ru de sempurne.

Jadi, sesedara seiman, kerana Jenang ihad Kiyayak ha engkek, eng betol-betol ngsemanj nu engkek supaye engkeog berog engkek ajeh sebegei ennog korban de sui, de has ha Ilei, ru de kipesenang Isengik. Begei ajehloh icare de sepatotnye engkebeibadah nu Ilei.

Hodloh engkekerakmik kerana engkebeharap nu Tuhan, besabarloh ku kateh senusah, ru rajetloh bedoa.

Agokloh biar diri liengkek bipealah ya jenghat tapi pealahloh jenghat ya bahneh bor.

Hodloh ratak engkehakhok ihad mesre sebegei sesedara ku kateh peringak Kristus, ru hodloh engkek canuk de behormat ha mai kilek.

Agokloh bepure-pure engkehok ha mai kilek tapi hodloh betol-betol engkehok ha enai. Getekloh hal de jehat ru caploh nu hal de bor.

Suiloh damei ru dikdij mai amen buleh engkekawal keadaan ajeh.

Sesedara, agokloh balas dendam tapi biarloh Jenang Kihukom enai kerana ku kateh Alkitab TUHAN Kiurok begei adeh: “Benalas ajeh hak Eng. Eng doh Nghukom jenghat enai.”

Agokloh segat tapi hodloh engkek rajet, ru kelog engkek hodloh kibesemangat kaha-beh kerjak Tuhan.

Jenang Kiperneng Ibernor sengik nu eng, jadi ngbesat begei adeh nu jap-jap liengkek: Agokloh piker diri engkek ajeh lebeh tinggi daripade de sepatotnye. Tapi engkek hodloh jujor mase engkenilei diri liengkek engkeguna iman de biog ya Jenang nu jap-jap liengkek.

Agokloh balas jenghat nu mai de naibeh jenghat nu engkek. Behloh hal de bineng bor ya dikdij mai.

Hodloh engkesui benanek sengik ratak liengkek. Agokloh sumbong tapi bekawatloh ru mai de bipandang rendah. Agokloh anggap diri liengkek ajeh panei.

Tapi hodloh engkebeh begei adeh: “Amen musoh engkek kicuag, ogloh kek caknak. Amen kek kiselod, ogloh kek ngeknut. Amen engkebeh begei ajeh, engkek doh engkebeh kek kiselsel.”

Bedoaloh nu Jenang supaye Kiberkat sengoi-sengoi de beaniaye ha engkek. Semanjloh nu Jenang supaye Kiberkat enai ru agokloh engkesumpah ha enai. Kerakmikloh besama ru mai de kerakmik, ru jinjaploh besama ru mai de jinjap.

Kungsiloh ma de mong ku engkek ru sesedara seiman de perlu bitulog, ru ogloh tumpang nu mai de perlu.

Berog hik adeh nek nanek taleh tapi mong jeoi ianggote ru jap-jap anggote ajeh mong tugas liknai memaseg. Begei ajehloh juga ku berog Kristus. Hik adeh hijengoi tapi hijadi nanek berog kerana hibenanek ru Kristus. Hik mong hubungan ku ratak lihik sebegei anggote-anggote ku nanek berog.