Popular Bible Verses from Yɔanɨ 12

Share

Mombi ɔkʉndeni nɛmɨ akyananakɨa, yɛtɔ ɓɔ ɨnakpata. Dɔ, aɨda ngɨyɛ ɨmɨ naɓio-ɔɔ, ɨyɔ baya asɛmɨ a꞊ɓio sina tɨa kʉ ananɨ. Mombi ɔnakyananakɨeni ɨmɨ, Aba a꞊mʉbɨba bɨbanɨ.

Mombi ngɨa akʉnda uɓei ngʉwangɔ, aʉyangiso yangisoo. Nɔ mombi ngɨa angɔsɨka uɓei ngʉwangɔ ndʉ ɨkyɛmʉ, adɔdɔ aka, aʉpɛmakɨa pɛmakɨanɨ akɔ uɓei ngʉwɔ mago nɔ mago.

Nanenu asigio ta ingono ɓɔ: «Ipumo yɔ mʉpʉnga yɔkweni aɨtaka nɔ sɔkɔmʉ yɔwo, yaɓio ta ɨyɔ mukpekpe wɔngɔ ɓɔ kpekele. Yakamɛngana, ndʉ yawo, yɔ꞊tɔnɔta dɔ tɨa masɔɔ maja.

Ɨmɨ, nɛ꞉ka adɔdɔ aka ndʉ ʉwanga, tiɗo ɓɔ mombi muɓomu ngɨa anabaya, atɨɓiomʉ ɓata amati ɔ umomo.

Mombi ɔkeni mapanʉ ngʉkɔsɛmɨ, sɔkɔmʉ ɨkʉkyananakɨa, sɔkɔmʉ ɨmɨ akɛ, nakio mʉkɔmbʉ ngʉwangɔ. Dɔ ɨmɨ ingainga, nɛ꞉kamʉ akɔkio mʉkɔmbʉ ngʉwɔ ɓombi, yakamɛngana, nɛ꞉ka naɓɔ aheiso.»

Kʉdɔ, Malɨa a꞉sɨka iboyo yɔ litɛlɛ wɔ malaji ngʉwɔ ɨgabʉ ɓʉmʉ nɔgbɛ, ʉwa ba꞉ʉkɨa nɔ nalado ingainga. Ɔ꞉mʉɓasaka Yeso nawɔ amɨtɨndɨ, nɔ ɔ꞉mʉbɨaka nɔ ndii ngɨangɔ. Ɨkáá iɓomu yɔ꞉sɨka tɨta imbo yɔ malasɨ.

Kʉdɔ, ɓombi ɓa꞉sɨka mamba kɔ ɓadɨdɔ, nɔ, ɓɔ꞉sa nayɔ atɛtɨa anɔ ɨngbaa. Ɓɔ꞉pʉnga tʉɓɨa ɓɔ: «Hɔjana, ɨsɨ yɔngɔ ɓɔ atɨheiso ɓaka! Asɔɓɨɨ ukiokio mombi ngɨa anɨka akɔ ino yɔ Makwɔɓɨɨ! Asɔɓɨɨ ukiokio kʉ nɔ ngama ɔ Ɓaɨsalaɛlɛ!»

Yeso ɔ꞉ɓutosio ɓɔ: «Angbinga ɔndanɔ tɨa ʉndananɨ, ɨya Mwana ngɨyɔ Mombi ɔsisekio-ɔɔ sɨka ʉbɨba.»