Popular Bible Verses from Mʉkpanganɨa 32

Share

Ɔ꞉muɓokuo ɓɔ: «Weno dɔ-sɨ tanɨ?» Ga ɨyɔ ɓɔ: «Neno ɓɔ Yakɔɓɔ.»

Ndʉ mombi ngɨananɨ, ɛ꞉na ɓɔ ɔ꞉nagaakamʉ Yakɔɓɔ nɔ angu, kʉdɔ, ɔ꞉mʉɓɛnda Yakɔɓɔ akɔ ikangbu, ga pu, nɔ ikangbu yɔ꞉mʉgɔwa, ngbinga ngɨa ɓa꞉ɓio-ɔɔ akɔ agbanga.

Ɔ꞉ɓʉtapuiso amondu ɔ lisini, nɔ, ɔ꞉sigio ɓombi ɓɔ tɛa ɓɔ, ɓɨtapuiso tɨa kʉ nɔ lɨkyɛmʉ ngɨlangɔ liɓomu.

Ga Yakɔɓɔ nayɔ ɓɔ: «Kikiliki, anachwɨa-sɨ ino ngɨyɛsɔɔ.» Ɔ꞉mutosio ɓɔ «Wakʉnda anɨmbɨa ino ngɨyɛsɛmɨ dɔtanɨ?» Kʉdɔ, ɔ꞉mukiokio Yakɔɓɔ ta ananɨ.

Yakɔɓɔ ɔ꞉tukoo ananɨ tɨta ɨyɔ nangana. Kʉdɔ, Mombi mʉngana ɛ꞉ka nayɔ akɔchwɛa agbanga ɔ mʉndɛɛ, akɔɓɔya ta aka ɓisi ɓa꞉ya-ɔɔ.

Ga mombi ngɨananɨ nɔ Yakɔɓɔ ɓɔ: «Mafague, anasɨa tɨa sɨanɨ nɨsa, dɔ, ɓisi ɓɔyɔ.» Yakɔɓɔ ɔ꞉mutosio ɓɔ: «Pɔ, anokiokio-sɨ ta ingono, nɔnasɨa dɔ anɨsa.»

Kʉdɔ, mombi ngɨananɨ a꞉ɓio ɓata nayɔ ɓɔ: «Ino ngɨyɛsɔɔ, ya꞊ngɔɓio tii ɓata ɓɔ Yakɔɓɔ, yakamɛngana, ya꞊ɓio tɨta ɓɔ Ɨsalaɛlɛ, dɔ wɔ꞉wɔ agbanga nɔ Asɔɓɨɨ, kʉ nɔ ɓombi, nɔ, wɔ꞉ɓʉnagaaka.»

Kʉdɔ, Yakɔɓɔ ɔ꞉pʉnga nɨta Asɔɓɨɨ ɓɔ: «Hii MAKWƆƁƗƗ, Asɔɓɨɨ ngɨyɔ ɓaba, atɨ Abalaama nɔ Isaka, ʉwɛ ngɨa wa꞉nasigio ɨmɨ ɓɔ: ‹Tɔa pɨ ta andeno akɔ ɨkʉmbʉ ngɨyɛsɔɔ, nɔ aki ɨfananja ngɨyɛsɔɔ ya-ɛɛ, nɔ, na꞊nakɨa iɗo kɨanɨ.›

Ɨpa yɔ꞉pʉnga ɗeto, ngbinga ngɨa Yakɔɓɔ a꞉ngwa-ɔɔ anɔ Pɛnɨɛlɨ. Yakɔɓɔ a꞉ɓio tɨta adɨngbakɨa, dɔ, a꞉ɓio ɔ꞉gɔeni akɔ ikangbu.

Ga ɨyɔ ɓɔ: «Esau ɨkeni akɔdʉka ambaja mʉngana, ɨya kɔmɔ ɔ꞉ɓwanaka gʉtʉ pɔ.»

Ɨmɨ, na꞉sisekiomʉ anɨanɨa nɔ iɗo iɗo, nɔ yaka yɛta manjanja ngɨyɛ wa꞉nakɨa jɛnɛ. Ngbinga ngɨa na꞉tapʉa-ɔɔ Yɔlɔdanɨ, ɨmɨ, ta nɔ mufimbo ngʉwɔsɛmɨ-a. Yakamɛngana, ɨtakɨtakɨ ngɨyɛ, ɨmɨ, tɨa ɨya nanɔ ɓambaja ngʉɓa ɓapɨnɨ-a.