Popular Bible Verses from Mʉkpanganɨa 24

Share

Ɔ꞉sugo ɓɔ: «Hii, MAKWƆƁƗƗ, Asɔɓɨɨ ngɨyɔ makwasɛmɨ Abalaama, nɔnɛtɔ ɓɔ anasalɨa ɓaka ɓʉɓʉnʉ ɓɔ nɨnɨanɨa nɔ ɨkyɛmʉ ngɨyɛ nakʉnda, nɔ, wɔpananiso iɗo iɗo ngɨyɛsɔɔ akɔ makwasɛmɨ Abalaama.

Mwana ɔ ɓasaɓakyɛ ngɨa na꞊musigio ɓɔ, kikiliki, chukumiso ɓaka kpɛngʉ nɨmwanana mwana ɔ mipo, nɔ, ɔnatosio ga: ‹Mwa pɨ, nɔ, na꞊mwiso kʉ nɔ ɓangamɨa ngʉɓɔsɔɔ.› Ɨyɔ akɛ, iɓio ɓaka ɨya, wa꞉mʉsʉakɨa baya asɔɔ Isaka. Kʉɓanɨ, ya꞊pananiso iɗo iɗo ngɨyɛsɔɔ, akʉʉ ɔ makwasɛmɨ.»

Kʉdɔ, Isaka a꞉mʉsɨka Lɛbɛka, ɔ꞉tɔmukumoniso amati ɔ ɨhɛma ngɨyɛ abɨɨ ɔ inye Sala a꞉ɓikɨa-ɛɛ. Isaka ɔ꞉mʉkʉnda Lɛbɛka, kʉdɔ, ɔ꞉pʉnga ɓʉsaa igwo yɔ inye.

Ɓɔ꞉mukiokio asugo ɓɔ: «Ʉwɛ Lɛbɛka gwa ata moi ngɨyeso-ɛɛ! Ɓio inye ɔ ɓana sɔkɔmʉ nɔ ipoye-ɛɛ. Ɓana, nɔ ɓanɔnɔ nɔ ɓanɔnɔ ɓɔ ɓanɔnɔ ngʉɓɔsɔɔ, ɓɨsɨka ihoi ngɨyɛ yɔ ɓamʉyaa ɓeɓo sɨkanɨ-ɛɛ!»

Nɔ, wɔkio silika akɔ ino yɔ MAKWƆƁƗƗ, Asɔɓɨɨ ngɨa a꞉kɨa ɓisi nɔ dɔdɔ ɓɔ wangɔsɨkɨa mwana asɛmɨ moi aka, ati ɔ ɓiga ɓeɓoi ngʉɓa ɓɔ Ɓakanana, aɨkʉmbʉ ngɨyɛ na꞉wolo-ɔɔ aka. Yakamɛngana, wabi ta akɔ ɨkʉmbʉ yɛta ɨja ngɨyɛ aki ɨfananja ngɨyɛsɛmɨ ya-ɛɛ, nɔ, wɔ꞊nasɨkɨa mwana asɛmɨ Isaka moi ta inani.»