Popular Bible Verses from Luk 5

Share

Mi tahuna te kode ia na valagu me kori vahai vania ia Saemon de, “Ko vose diaa tana gouna ma kamu choni sivoa nimiu vuho ma kamu vuhoa siki cheche.”

Me valagu ia Saemon me kori vahai vania de, “Taovia, ami tovo nohaa lohami tana puti matadu nia mami teha vuhoana siki cheche. Mi tana rongona nimu kori hoe minau ngeni ba ku choni sivo lakaa na vuho nira.” Mi tahuna tara agosi taonia ira nina kori ia Jisas, mara tangomana ira na vuhoana e danga na cheche me tuturiha na vuho nira na tarochi.

Mi kesana tahu, ia Jisas e dia tovosi na nonginongi tana talu mangu.

Inau u teha mai na solora ira tara hoto na sasahadira, mu mai nau na solora ira hana tara toha tana sasaha seko ma kara ni leleo basiaa nidira seko.”

Mi tahuna ia Saemon Pita te haea na omea te laba vahai nia, me sivo tuturu vania ia Jisas me kori vahai vania de, “Taovia, ko mui mai lilihigu, rongona inau na tinoni tu goni savi.”

Ma ia Jisas e valagu vanira me kori vahai de, “Ira bamu na tinoni tara oche ta kara hanaa dia haeana na tinoni tataru, me teha siki tinoni tara teha na oche.

Mara raga datoa lodira vaka pepechi i lilihi mara basiaa visa lodira omea levo mara bukea ia Jisas.

Me tahuna ia Jisas te toha tatana chikai na vera me laba tuhua ia chikai na tinoni te hadoa na mudo, me laba na tinoni nia me choni tuturu me chuporu vania ia Jisas me ngangaisia me kori vahai de, “Taovia, tina ko tala kiki hoe, mo ko vani maurisiu mo ko malesiu nau.” Ia Jisas e chibeli dia tinoni nia, me kori vahai de, “Inau u maoni. !Ko male!” Me laba taora me dia choni na mudo nia.

Seisuge te vahai ia, na kokorina tana rongona ia Jisas ma na hua te agosia ia e tangi talihu laba me vahania visa na tinoni mara mai kode tatana ia Jisas, matengana tara ngavina valingea nina valagu ia me ke vani maurisira.