Popular Bible Verses from Luk 17

Share

Me kori vahai vania na tinoni nia de, “Ko tuu mo ko dia. Nimu dodonu hoe te vani maurisiho.”

Me tina ke goni seko vaniho ke vitu na tahu lalona chikai na dani, me ke visu mai me tatemangana nina ruri ia e vitu na tahuna, Mihoe ko kori kenihua vania ia.”

Mi tahuna chikai vidalodira te haea te laka tana oche nia, me visu mai ia me huu dato me livu kaea ia God. Me sivo tuturu me chuporu sivo i pari tana tuana ia Jisas me kamaa. Ma na tinoni nia na vangana ni Samaria.

Kamu parovata tana hua tamu agosia. “Me tina ke chikai na tasimu ke goni seko vaniho, mo ko rapachia. Me tina ke tuu pililiu ia tana hana seko, mo ko kori kenihua vania.

Ma ia Jisas e kori vahai de, “E sangavulu mane tu maurisira nau. ?Mivei laka e siu?

Ma na Taovia e kori vahai de, “Seisuge nimiu dodonu hamu ke pechi solehana vahai na piu ni hai mastad, ba kamu tangomana hamu na kejalia na hai leho de, ‘Ko tavuti mo ko tuu dato i tasi,’ ma ia ba ke rongo mangamiu.

Ira na tinoni tara tari ngachia na mamauridira ba kara teha tamania na mamauri sali. Mi ira tara saua na mamauridira tana pari de vania na Taovia ba kara tamania na mamauri sali.

Ma ia Jisas e kori vanira hana duli nira, me kori vahai de, “Ba kara laba nomu visa na tovotovo te hanaa taha sivoa na mamaurina na tinoni. Ma na tinoni te agosia na tovotovo nira ba ke rota solehana nomu. Na tinoni te vahania chikai te pechi nina dodonu me goni savi, e tihilana kara soria na makara leho tana liona ma kara choni sivoa tana tasi gou.

“Tahuna tu ku visu mai inau na Dalena Tinoni ba ke vahai nina tahu ia Noa. Tana tahu nia, ira kode na tinoni ara hahani ma na inu, ma na vaitaulahanihi na mane ma na daki me chau tana dani te sahe ia Noa tana vaka. Me tave na obo leho me luvusira mara mate kode lalaka ira.