Popular Bible Verses from Marko 16

Share

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Kolla, kay patsenn ap mande, krenn baro koova an o Debleskri zoor. An miro lab tradenn le bengen i menshendar vin, oun rakrenn an vavar rakepen. Yon te lenn sapa an pengre vasta, oun te piyenn le i pipen, kay nay merenn le, palle venn le gar nasselo. Ap i nasslende čivenn le i vasta pre. Oun kolla venn sasto.”

“Koon patsell ap mande oun vell taufedo, kova djal gar nashedo. Koon gar ap mande patsella, kova djal nashedo!

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

Yob penas ap lende: “Ma trashenn! T'mer rodenn o Yezouses dran Nazaret, kay vas ap o troushel dino. Yob stas i moulendar pre. Yob hi gar kate. Dikenn kote, kay yob čiddo his.

Kova his i baro bar. Oun har yon pash ko moulengro kheer van, dikan le, kay ko bar krik lino vas. Oun yon djan an o moulengro kheer dren. Kote dikan le i terno morshes ap i čači rig beshdo, koles his troul peste i lengsto biyalo ripen. Oun yon trashan.