Popular Bible Verses from Mateo 10

Share

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Koon kamell peskro djipen te rikrell, kova nashrell les. Koon peskro djipen mange nashrella, kova lell les pale.

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Oun koon lell gar peskro troushel ap peste oun djal pal mande, hi gar moldo, te vell lo miro maal.

Me penau t'menge: Koon glan i menshende penella: O Yezous hi miro ray! kolestar penau me glan miro dadeste an o bolepen: Yob hi miro! Koon man bourhoste della glan i menshende, koles dau me ninna bourhoste glan miro dadeste an o bolepen.

Krenn i nasselen sasto, oun krenn i moulen djido! Oun kolla, kay i djoungelo nasslepen ap o mass hi, kolen krenn ninna sasto! Tradenn i bengen dran i menshende vin! Kay zoor dom t'men čičeske. Doleske krenn kova ninna čičeske, oun lenn kek love lendar!

Doleske ma darenn! T'mer molenn boudeder har boud čirkle.

Ma patsenn, te lap o čingepen ap kay phoub krik. Na-a! Kova krau gar. Mantsa vell o kourepen.