Popular Bible Verses from 1. Mose 17

Share

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

Doleske kharess tou bouder gar Abram. Kanna vell tiro lab Abraham. Me krau te vess o dad boud natsyonendar.

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

“Shoun, kova hi, hoy me touke krau: Tou veh o dad boud menshendar. Yon venn yaake boud, kay lendar boud natsyone venna.

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

Koy moukas pes o Abraham ap i phoub te perell, sanas oun penas peske: “Me hom sheel bersh phouro. Oun man te vell i čavo? Oun i Sara hi enya-deesh bersh phouro. Yoy te lell i ternepen?”

Oun o Devel penas pale ap o Abrahameste: “Tou peness bouder gar Saray ap tiri romyate. Lakro lab vell kanna Sara.

Kova hi o sikepen, kay han mire menshe.

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

Hako morsh čavo pash t'mende hounte vell činlo, te hi yob orhta divessa phouro. Krenn kova ninna i tsele morsh čaventsa, kay pal t'mende venna! Činenn ninna i morsh čaven t'mare boudepangrendar: kolla, kay pash t'mende boldo van, oun kolla, kay ginan vavarendar, kay gar t'mare menshendar hi. Činlo hounte vell hako boudepaskro, kay pash t'mende boldo vas oun t'mendar ginlo vas. Ap t'maro mass dikenn t'mer, kay han mire menshe. Kava koova ačell yaake hako tsiro.