Popular Bible Verses from Marko 12

Share

O Jesus ppenda leke: —O zakono mai baro si gava: Asun, Israel: O Gazda amaro Del si o edino Gazda. Volisar e Gazda kai si cho Del sa che liea, sa che duoia, sa che misloia ta sa che zoriaia. A si iek zakono ios: Volisar avere sar voli tu tut. Nisavo aver zakono inai mai baro neko gala.

Ondaka o Jesus ikkarda pe disipulonen, ta ppenda lenge: —Ppenau tumenge kai gaia ppivli chorri dia mai but neko sa ogola llene kai ttovena e love ande baulia; soke sa die katar so ni trubul len, a voi ande po chorripe, dia sa so saia la te pravarelpe.

Iek llive o Jesus besela angla e baulia kote kai chidena e love katar o cher e Devleko, ta dikkela sar ttovena e love. Ta but barvale ttovena but love. Ta avili iek ppivli chorri, ta ttoda dui tolaricha jarkune, kai ni mol len but.

Ta te voli e Devle sa che liea, sa che misloia ta sa che zoriaia, ta te voli suakone llene sar voli isto tut, mol le mai but neko sa e kurbanura.

Ondaka o Jesus ppenda lenge: —Den e Sesare so si e Sesareko, ta den e Devle so si e Devleko. A von chudisaile letar.