Popular Bible Verses from Lukas 6

Share

Den averen, ta o Del ka del tumen. Ka del tumen so trubul tumen. Isto gia sar tumen den averen, o Del ka del i tumen.”

O manus lacho del orbe lache soke o lachipe si ande leko lio, a o manus bilacho del orbe bilache soke o bilachipe si ande leko lio. Soke o manus del orba katar so mai but si ande leko lio.

Tumen morabi te volisaren tumare dusmanonen, ta te cheren o lachipe, ta te na mangen chari kana den unllile, ta gia ka avel baro tumaro chari, ta tumen ka aven chave katar o Del e milosoko, kai si lacho i e llenenchar kai ni den fala ta e bilachenchar.

Si te avel tumen zalba, sargo i tumaro Dad kai si leke zalba tumendar.

“Na krisin averen, ta ni o Del ni ka krisil tumen, na dosaren averen, ta o Del ni ka dosarel tumen. Prostin, ta o Del ka prostil tumen.

“A tumenge kai asunen ppenau: Volisaren tumare dusmanonen, cheren o lachipe golenge kai murzin pe tumende, blagosisaren golen kai ppenen tumenge bilache alava, molintumen pala gola kai kusen tumen.

Cheren e llenenchar isto gia sar mange te cheren tumenchar.

Te chalavela tut vareko pe chi cham, ttou te chalavel tut i pe o goia; a vareko te lela tutar cho gertachi, muk te inllarel i cho gad. A vareko te mangela tutar vareso, de le leke, ta ko lela tutar so si chiro, na mangle letar.

“Ni iek kas lacho ni del bilache septelie, ni o kas bilacho ni del lache saptelie.

Suako kas pinllardol pala pe septelie, ni ikandon simochine katar e kasta karrnale, ni drakka katar e karrne.