Popular Bible Verses from Juan 15

Share

“Me sem o kas drakkengo a tumen e krangura. Gua kai achel ande mande a me ande lete, gava del but drak; soke bi murno tumen nasti cheren niso.

Achen ande mande gia sar me achau ande tumende. O krango nasti del drak vou petar te na avela po kas e drakkengo; isto gia tumen te na achena ande mande.

“Te achen ande mande, a me alava ande tumende, sogo te mangena ka dau tumen.

Tumen ni esvirisaden man, me esvirisardem tumen, ta ttodem tumen te den ta te inllaren but drak, ta tumari drak te achel. Sogo ka mangen me Dadetar ande mo anau, vou ka del tumen.

O volipe mai baro si, o manus kai del po zivoto pala pe amal.

Iek krango kai ni del drak, chinel le; a gua kai del drak chistol le te del mai but drak.

Gava si murno zakono. Te volisaren tumen iek avere, gia sar me volisardem tumen.

Ande gava sikadol me Dadeko blagosipe, te den but drak gia te aven me disipulura.

“Me sem o chachuno kas drakkengo, a mo Dad si ko arakkel le te bariol.

Gua kai ni achel manchar ka chudau le avri sargo krango, ta ka sukol sargo krangura kai chiden len pe iek ttan ta chuden len ande iag te ppabon.

“Gia dau orba tumenge te veselin tumen manchar, ta tumari veselia te avel pperdi.

Te kandena so ppenen me zakonura, ka achen ande mo volipe, gia sar me kandau so ppenen me Dadeke zakonura ta achau ande leko volipe.

Gava mangau te cheren: Te volisaren tumen iek avere.

Te avilena e suetoke, o sueto volisardaia tumen sar volil so si leko. A me esvirisardem tumen katar o sueto, goleke o sueto murzil pe tumende, soke ni sen e suetoke.