Popular Bible Verses from Apostole 2

Share

O Pedro ppenda lenge: —Irin tumen kai o Del ta te kristin tumen suako lleno ande Jesukristoko anau, te sai o Del prostil tumaro bilachipe, ta gia vou ka del tumen o Santo Duo.

Ta cherena chachimaia so sikadea len e apostolura, fulavena so saia len maskar pete, chidiniaona te ppagen o marrno, ta molinape.

Ta sa pperdile katar o Santo Duo, ta ttode te den orba ande aver chibia, prema sar dela len o Santo Duo te den orba.

Ondaka kana ni uzdinape, katar o miloso basla but zurale sargo iek bari balau kai pperda sa o cher kote kai von sea besindo. Ta dikkile chibia sargo iaga kai fuladile, ta upral pe suako lleno achili iek. Ta sa pperdile katar o Santo Duo, ta ttode te den orba ande aver chibia, prema sar dela len o Santo Duo te den orba.

Ta i suako llive chidiniaona ando cher e Devleko, ta ande chera ppagena o marrno ta jana saurre ande iek ttan veselimaia ta iekke liea prosto. Blagosina e Devle ta sa e llene volina len; ta suako llive o Gazda cherela te aven mai but llene te pachan ta te aven lenchar.

‘Ande llivesa kai si te aven mai angle kana ni ka achel but vreme, o Del ppenel, ka dau mo Duo sa e sueto; tumare chaurre ta tumare chorra ka ppenen murne porouke, tumare chave ka dikken so si te avelpe, a e ppure ka dikken sune.

Sa e llene kai pachan sea ande iek ttan ta fulavena so saia len maskar pete; ta bichinena pe ezgode ta sa so saia len, ta fulavena e love prema so trubula suako llene.

A sa gola kai mangen katar o Gazda, ka aven braduime.’

O kkam ka cherdol truñariko, ta o chon ka cherdol sargo rat, mai anglal te avel o llive e Gazdako, llive baro ta blagosime.