Popular Bible Verses from Phŭn Blŭng 14

Share

Bơni Ơi Adai Yang Glong Hloh, Yua ñu mop br̂ơi môt ayăt tăm ngan ih.» Jr̂ŏng nŭn Abram tô̆ bih-tih dr̂ăm-gơnăm ñu ba glaĭ, mơ̆ng pluh tô̆ ñu mă ha tô̆, pơyŏl pơtao Mĕlki-sađek.

Jr̂ŏng nŭn Mĕlki-sađek pơtao plơi Salĕm, ñu tô̆ nŭmpăng dăp pai boh ƀâo ba nao br̂ơi Abram. (Mĕlki-sađek nŭn, pô ngă yang Ơi Adai Yang Glong Hloh.) Jr̂ŏng nŭn Mĕlki-sađek br̂ơi Abram klơi nŭk-nua, ñu laĭ: «Br̂ơi Abram hmâo klơi nŭk-nua mơ̆ng Ơi Adai Yang Glong Hloh, Pô bơjr̂ŏng adai dih dăp lŏn kơnah he mơ̆n.

Plai Abram pơhiăp hr̂ŏm pơtao plơi Sôđô̆m: «Kâo yŏl đĭ ngan uăn ti năp Ơi Adai Yêhôwa Yang Glong Hloh, pô bơjr̂ŏng adai dih dăp lŏn kơnah he mơ̆n, kâo bĭ tô̆ dr̂ăm yĕt-yĕt mơ̆ng ih ôh, wŏt ha r̂oh wĕ mr̂ai, lơ ha r̂oh wĕ klĭ juă, kâo bĭ tô̆ le, huĭ ih laĭ, ih yơh ngă br̂ơi kâo bơdr̂ŏng.