Tà goomaa shɔ̀ùn, Sànwɔbaà yè b'a ka gàne sɔn ɲan kɔn, nìi ni jìran. È ni mɔn, è dziɲaan màsà gane reè sapɛ kpadè à ra jaa soo. Tɔ̀un, Sànwɔbaà yè dzin à ra ci: «Nèe gàne rèe rèè sapɛ faan ko à nɔɔrɔɔ̀ sapɛ siɔ̀n mun nì nà. Mòò riì ye mun dzibe mun dzia à sìn tɔ̀ tsìfa ra. Tà doùn, wo y'a tsiì w'a kuu mun bììn, w'e mun blàbe, mun nà à sapɛ sin wo ra, è bà wo raa.»
Yesù yè dzin à ra ci: «À sɛbɛɔ̀n Ŋaablà re Goomaa doùn nèe tsuru ci:
"A Tsifa Ŋaablà rii blàbe,
e goo fa tɔ̀ soo pe re."»