Popular Bible Verses from Lukì 14

Share

«Wo mòò riì ci wo nà a gban mun kpɛyn, wo ɲɛyn to ni a naà ko a faà tsɛ, wo ɲɛyn ni a re tààn ko a dzin nèè tsɛ, wo ɲɛyn ni a tsinà rèè ko a tseyn nèè tsɛ, wo ɲɛyn yè bà ni a yɛr'la sa tsɛ, wo na dzia bà mun ne kàràndzin waa.

Mòò o moò ma e gbaàn gɔɔ̀ sen è gban mun kpɛyn fyeu, tɔ̀ na dzia bà mun ne kàràndzin waa.

A jà min tɔ̀ dè, wo mòò o moò y'à yɛrɛ ɲanseen, wo ma nà jàà. Wo mòò o moò to y'à yɛrɛ majàa, wo ɲan nà sen.»

Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»

Y'a tɔ̀, ye sɔn ye ba nà sangaso ji, n ci ye yè tsuɔ rìì, ye akiri yaa bo fa à goo rèè tsɛ ŋe, ye ye ba nà dzi à ra, ye to ma ba nà dzi à ra o ? A ma tɔ̀ akiri yaa boo fa, e fu a dzii kun bè a kun nè, wo dzia nà gba à goo rèè dzyeè rà. Wo to ye gba, mòò o moò nà gbà ree dzun baumaà jà, è nà jiran wo mà. Yè dziàn nèe tsuru ci: "O ! Kpir'lee yè e re gbàà dzunbau, è nà gba à dzyeè rà."

E ba nà tɔ̀ tsuru fa, e bà nà mòdzin ì kiri, à to è bà gbakɔɔn reè, ko mòdzin nɔɔ̀rɔ̀kɔɔn reè, ko jaana reè. Tɔ̀ ye fa, wo raà nà wùbe, kàtsu twɛy mòdzin neè fa dzi à tsìì sàrà wo re waa. Kìyama tsìɛ̀ sii sèè, Ŋaablà rii nà tɔ̀ tsìɛ̀ sàrà wo re.»

Tà shɔ̀ùn, Yesù yè dzin kɔn ci: «Kòo gè dziù rìì, ŋà, à ye maà, mòo dzia à sèè dzibe dzùrù kɔn ? Tɔ̀un, à na gèsɔn wùbee dzɔ̀nxɔɔ̀ mà, à to fa dzi ba noo. À bèe maa da rɔ̀n nì. Toro ì ye ba ni mòò riì rè, è bà è ka myɛ̀yn faa, è toro wɔu'n kuru wube dɛ !»