Popular Bible Verses from APOEM AYANG: 25

Share

ASEING nyang: ri «Re" da" ung: khoug: moo byu eig myu" lung" jo,. Nang gi shi' goo" wa da" byu eig myu" ri khu: wa nghoid- dayug su: gi dayug su: tho' je yoem: boo wa nghoid je gyi: su: gi nge yug jang" moo dei zoobui" wa nghoid» ga: tid.

Yaku ri «Ngoo zooyoid kyi'- hau: shi" gyang: lapho' ni ngoo ri dajhi' gam zhoo" we'» ga: tid. (Houg: yoomo nyang: ri Edom ga: myeing myheing byid: bye:.)

Rebekha gi zooshang: adab yoomo Isag gi ASEING jhang nya: shid re" akyu" mho'. ASEING gi hau: akyu" mho' dang: ri gyoo: byid: yoomo Rebekha zooshang: gung bue" loo bye:.

Houg: lang" Eso gi «Ge- ngoo bain shid: lo" nyid ri nga" mang: moo" aya: ce: akyu" boo wa la"» ga: tid. Yaku gi «Re" da" aya: ngoo ri byid: wa ein: dang: theing thang" cab too" we'» ga: tid. Eso we' dang: theing thang" cab to" lho: nya: zooshid" aya Yaku ri byid: bye:.

Thang: yug gi Eso da" khanheig thung" thang: moo teing teing zei: ci: lho: khu: thu lo. Houg: yoomo nyang: ri Yaku ga: myeing myheing bye:. Hau: zooshang: tang: khu: uri Isag gi khyug xi: zain nghoid bye:.

Isag gi Eso kuang lo da" shoo" ri zoo: noug yoomo Eso ri jheddab lho: Rebekha gi Yaku ri jheddab da:.