Popular Bible Verses from THU' LO" MOUGSOUG" 7

Share

ASEING gi «Khokham shidkhoin" moo nang ri ngoo Mangsoo yhang: ti" koid nhang: wigi re" mang: Arun ri re" lapi: khyo" khokham phoo ri dang: tid loo wa.

Nghoid loug we' ngoo gi khokham ri nheigloem: thain: nhang: wigi gyoug pho" moo" zoo" myoo: sho' ri Egutu mung" moo koid shug loug we' nyang: gi nanu" tid ziri tam" gyoo: wa zi anghoid. Hau: thang: Ngoo gi Egutu mung" ri gye" xo: da" yooboo dam byid: wigi nga" byumyu" yiri hau: mung" mo shu" thu loo wa.

Ngoo gi nga" lo, ri tu: yeing wigi Egutu byumyu" yiri gyi koid lho: nyangnu" mung" mo Israela byumyu" yiri shu" thu lo uri ngoo ASEING nghoid ziri nyangnu" si' goo" wa.

Houg: lang" khokham gi nya: phajhi" boo mo, yo' fa" mo, ri khe: wigi nyangnu" we' nyangnu" da" fa" phajhi" yo' du go" ziri koid bye:. Nyangnu" lhamdung: ri du" kaid lang" hau: lhamdung: joem gi lhangmyu joem bue" lo" byug bye:. Nghoid loug we' Arun da" lhamdung: gi nyangnu" da" lhamdung: joem ri myhau: pyam bye:.

Akhid" Aseing: khokham we" ASEING gi nyang: hang" nghoid ga: ziri nang myang si' wa shid re" nyang: koid wa ziri yu" we'. Ngoo he: lhamdung: yo' gyid dang moo baid ri gyid gi suid" bue" lo" wa.

«Khokham gi re" tang: ri re" tang: se' koid da" mau" pho" moo" zoo" koid shug ge' ga: tid nghoid ri Arun ri re" lhamdung: yu wigi khokham shidkhoin" moo du" kaid we' houg zigi lhangmyu bue" wa ein: tid we'» ga: tid. Houg: lang" Moshe yo' Arun khokham jhang yhe: wigi ASEING amyeing" byid: to" ziyo' dakhyo" koid ago". Arun gi nya: lhamdung: ri khokham yo' nya: gyizoug: yi shid moo du" kaid lang" houg zigi lhangmyu bue" lo" byug bye:.