Popular Bible Verses from LUCAS 13

Share

Ilawil a woocle'ex ti' le nu'unut' jool najo', tumen quin wa'alic te'exe' ya'ab máaco'ob cun u yóolto'ob ocli' ba'ale' ma' bíin páatchajco'obi'.

Te'elo' ti' yaan jun túul co'olel, dieciocho ja'abo'ob koja'anchajac tumen jun túul kaakas pixan p'atmajil p'uup'us u pu'uch; jun puli' ma' tu páajtal u tojquintic u wíinclil. Le ca j ila'ab tumen Jesuse' t'aani' ca j a'ala'ab ti': Co'olel, dzo'oc u p'atiquech a koja'anil.

Jesuse' tu dzáaj u kab tu yóokol, tu séeblaquil tojchaj u wíinclil le co'olelo', ca jo'op' u qui'iqui' t'antic Jajal Dios.

Bey túuno' dze'edzec ti' le yano'ob paachil bejela'a' bíin máanaco'ob táanil, yéetel dze'edzec ti' le yano'ob táanilo' bíin máanaco'ob paachil.

Cu dzo'ocol u líikil u yuumil naj u kal le jool najo', te'ex ti' yane'ex táancabe' bíin koopnaque'ex yéetel bíin a wa'ale'ex: Yuumtzil, je'e to'on jool naj, ba'ale' leti' bíin u núuc ti' te'ex: Ma' in wojel tu'uxile'exi'.

Quin wa'alic te'exe'; ma'. Wa ma' ta kexic a tuucule'exe', tac tuláacalile'ex bíin xu'ulsa'aque'ex xan.

Ba'ale' leti' bíin u núuc ti' te'ex: Dzo'oc in wa'alic te'exe' ma' in wojel tu'uxile'exi'; tuláacale'ex ca beetique'ex kaase', náachcuntaba'ex ti' teen.

Ca túun tu ya'alaj Jesús: ¿Ti' ba'ax chica'an u ajawil Jajal Dios? ¿Ba'ax yéetel je'el u páajtal in quetique'? Bey je'el bix jun p'éel u neek mostaza cu pa'akal lu'um tumen jun túul máaque'. Cu nojoch che'etal; tu yo'olal u nojochile', tac le ch'íich'o'ob cu beetico'ob u ku'ob tu ka'bo'obo'.