Popular Bible Verses from JUAN 6

Share

Jesuse' tu ya'alaj ti'ob: Teen le waaj cu dzáic cuxtalo'. Le máax cu taal ti' tene', mix bikin bíin wi'ijchajac. Yéetel le máax cu yocsic u yóol ti' tene' mix bikin bíin ukajchajac.

Le pixano' leti' cu dzáic cuxtal, le bako' mix ba'al u biilal. Le ba'alo'ob dzo'oc in wa'alic ti' te'exa' u ba'alo'obil pixan cu dzáico'ob cuxtal.

Ma' a meyaje'ex tu yo'olal le janal cu xu'ululo' ba'ale' tu yo'olal le janal cu xáantalo' yéetel cu dzáic te'ex cuxtal mina'an u xuul. Lela' leti' le janal bíin u dzáa te'ex u Paal Máac, tumen Jajal Dios le Taatao' tu dzáa u páajtalil tu yóokol le Paalo'.

Ba'ax u káat le máax túuxteno' leti' lela', tuláacal le máaxo'ob cu pactico'ob u Paal Jajal Dios yéetel cu yocsic u yóolo'ob ti'e' ca yanac cuxtal mina'an u xuul ti'ob. Teen túune' yaan in caapúut cuxquintico'ob tu dzooc kiin.

Jesuse' tu núucaj ti'ob: Le ba'ax u káat Jajal Dios ca a beete'exo', leti' lela', ca a wocsaj óolte'ex le máax u túuxtmao'.

Tuláacal ba'ax cu dzáic teen le Taatao' cu taal ti' teen; yéetel le máax cu taal ti' tene' ma' táan in tojolch'intic.

Ba'ale' Simón Pedroe' tu núucaj ti': Yuumtzil, ¿Ti' máax je'el u páajtal c bine'? A t'aano'obe' u t'aanilo'ob cuxtal mina'an u xuul.

Teen le cuxa'an waaj ca'an u taalo' le máax cu jaantic le waaja' bíin cuxlac mantadz. Le waaj quin in dzáo' in wíinclil. Quin in dza'e' u ti'al u cuxtal yóokolcaab.

Mix máac cu páajtal u taal ti' teen wa ma' tu taasa'al tumen le Taata máax túuxteno'; tene' yaan in caapúut cuxquintic tu dzo'oc kiin.

Tumen le waaj cu dzáic Jajal Dioso' leti' le waaj ca'an u taalo' yéetel cu dzáic cuxtal ti' le yóokolcaabilo'obo'.

Teen le waaj cu dzáic cuxtalo'.

Jesuse' tu ch'a'aj túun le waaj tu kabo', cu dzo'ocol u dzáic nib óolal ti' Jajal Diose', tu dzaj ti' u aj canbalo'ob, u aj canbalo'obe' túune' tu t'oxajo'ob ichil le máaxo'ob culucbalo'obo'. Bey tu beetilac yéetel le cayo'obo', ca tu dzáa ti'ob je'el buca'aj u káato'obe'. Le ca j na'ajchajo'obe' Jesuse' tu ya'alaj ti' u aj canbalo'ob: Mole'ex le u xéexet'al j p'áato', u ti'al ma' u pu'ulul mix ba'al.

Cu dzo'ocol u náachtalo'ob míin jun lúub ca'a tac táancoche', tu yilajo'ob táan u náadzal Jesús ti' le cheemo', xíimbalil u taal tu yóokol le ja'o', ca sajacchajo'ob. Ba'ale' leti'e' tu ya'alaj ti'ob: ¡Teen, ma' a ch'a'ique'ex sajaquil!