Popular Bible Verses from THUFIM 12

Share

Donharnak in na lungawinak a dawi hlo ding; Asinain zaangfahnak ṭongkam in thazaang a lo pe ding.

Fimnak a duhtu pawl cun an sual tikah nunsim an duh. Nunsimnak a huatu cu mi aa an si.

Ruahnak nei cuca lo ṭongkam cun nam vekin thuk zetin mi a sun; Asinain mifim ih ṭongkam in hma a damter.

Mi aa pawl in miding kan si tiah an ruat aw ringring ṭheu; Mifim pawl cun ruahnak pekmi an ngai.

Mi aa cun a thinhennak zamrangin a langter; Mifim cun mi ih zomtaihnak hman daitein a um san.

Nupi ṭha cu a pasal ih sui lukhuh a si; Asinain a pasal tlun ih ningzahnak a thlentertu nupi cu, a pasal ruh sungih khensar natnak vek a si.

BAWIPA in thuphan pertu pawl a hua; Asinain miding rintlak pawl cu a lawm.

Miding pa cu a rualpi ih lamhruaitu a si; Asinain mi ṭha lo pa ih lamzin in rualpi pawl lam a pialter.

Thuphan in nunnak caan tawite a nei; Asinain thudik cu kumkhua in a nung.