Popular Bible Verses from FILIPI 4

Share

Ziang thuhla hmanah donhar in um hlah uh; thla nan cam tinte in nan ṭulmi cu Pathian hnenah dil uhla lungawi aipuang tein dil uh.

Cuticun minung ruah ban lomi Pathian ih daihnak in nan thinlung le nan ruahnak cu Khrih Jesuh ah himte in a kilkhawi ding.

Thunetnak ah, ka u le ka nau pawl, a ṭhami, porhtlak a si mi, a taktak a si mi, upat tlak a si mi, a dikmi, a thianghlimmi, duhnungza a si mi le hminṭhatnak a petu thil pawl thawn nan thinlung cu khatter uh.

Cahnak i petu Khrih sungin ziangkim ka ti thei.

Bawipa thawn nan pehzom awknak ah hin nan lung awi ringring hram uh; ka nolh sal hrih ding: nan lung awi hram uh!

Cule ziang hmuahhmuah famkim in Khrih Jesuh sung ihsin ka Pathian in nan ṭulmi poh a lo pe ding.

Ka hnen ihsin nan ngahmi le nan zirmi vekin thlun tum uh. Ka ṭongkam in siseh, ka tuahnak in siseh, ka lo hmuhmi cu thlun uh. Cutiin daihnak in petu Pathian cu nan hnenah a um ding.

Mi hmuahhmuah hnenah nan lungnem uh. Bawipa cu a ra cing ding.

Tlasam ih nundaan ka thiam ih neinung zetih um khal ka thiam zo. Cutiih umdaan thupte cu ka zir ngah zo ruangah khuitawk hmun hmanah le ziangtik caan khalah ka pumpuar in siseh, ka rilrawng in siseh, malte ka neih ah siseh, tampi ka neih khalah siseh, thinlung nuamte ih um ka thiam zo.

In dungtun zo a si hi, tiih ka ruah ruangah ka simmi a si fawn lo. Thungai ti ahcun ka neih zatte thawn lungkim zetih um ding ka thiam zo.