Popular Bible Verses from MATTHAI 23

Share

Nanmah lakih a tum bik mi cu nan hnen-um a si ding.

Zokhal amah le amah a tum awtertu cu ṭhum a si ding ih mi hnuai ih a dormi cu cawisan a si ding.

“Daanthiam pawl le Farasi pawl, nan hmakhua a va pit so! Nannih mi depde pawl! Hmeh ih rawimi puṭinan, remhmui le aithing pawl kha Pathian hnenah ṭhenhra ṭhenkhat nan pek; asinain Daan sungih a thupi zetmi dingnak, zaangfahnak le rintlaknak pawl cu nan thlun lo ih zianghman ah nan siar fawn lo. Ṭhenhra ṭhenkhat cu nan pek ding hrimhrim a si. Asinain Daan sungih a ummi a dang pawl khal nan daithlan lo pei.

“Daanthiam pawl le Farasi pawl, nan hmakhua a va pit so! Nannih mi depde pawl! Nan khuat le nan pakan pawl a lenglam lawng fai lengleng in nan kholh ih a sung cu midang thil nan lonmi le hamṭamnak in nan ngahmi thil in a khat.

Jesuh in, “Jerusalem, Jerusalem! Na hnenah Pathian in a thlahmi profet pawl na that ih a palai pawl kha lungto in na deng. Arpi in ar faate pawl a thla hnuai ih a uap vekin na minung pawl cu ka kut in ka hum tum rero naón na duh lo!

Cubangtuk in nan lenglam ih zoh ahcun mi hmuahhmuah hrangih mi ṭhazet vek nan bang, asinain nan sunglam ahcun depdetnak le sualnak a phunphun in nan khat a si.