Popular Bible Verses from MATTHAI 19

Share

Jesuh cun hmaitontein a zoh hai ih an hnenah, “Himi hi minung hrangah cun a si thei lomi a si, sikhalsehla Pathian hrangah cun ziang hmuahhmuah a cang thei,” tiah a ti.

Curuangah annih cu pahnih an si nawn lo, pakhat an si. Pathian ih a kommi cu zohman in ṭhen hlah hai seh,” tiah a ti.

Jesuh in, “A hramthokah Seemsuahtu in nu le pa a tuah, ti kha Ca Thianghlim sungah nan siar dah lo maw? Cutawkah Pathian in ‘Cu a si ruangah mipa in a nu le a pa a taanta pei ih a nupi thawn an kom aw ding; cuti cun annih pahnih cu pakhat ah an cang pei,’ a ti.

Jesuh in, “Nauhak pawl cu ka hnenah ra ko hai seh, dawn hlah uh; ziangahtile vancung Uknak cu hi bangtuk pawl hrangah a si,” tiah a ti.

Sikhalsehla atuih hmaisa bik a si mi pawl hi neta bik an si leh ding; atuih neta bik a si mi pawl hi hmaisa bik an si ding,” tiah a ti.

Cule zokhal keimah ih hrangah nu le pa siseh, faate siseh, unau siseh, farnu siseh, inn siseh, lo siseh, a taantatu cu a let zakhat in a ngah sal ding ih kumkhua nunnak pek a si ding.

Jesuh in a hnenah, “Mi famkim si na duh ahcun va feh awla na neihmi hmuahhmuah zuar tahratin na ngahmi tangka cu mi farah pawl va ṭhen aw; cuticun vancung ah hlawnthil na nei ding. Cuih hnuah i thlun aw,” tiah a ti.

Jesuh in, “Thil ṭha thu ah ziangah so i sut? Miṭha Pakhat lawng a um. Nunnak co na duh ahcun thukham pawl thlun aw,” tiah a ti.

Ka lo sim sal: Kalauk pakhat ṭhim hnakua sungih luh hnakin milian pakhat Pathian Uknak sungih luh a har sawn,” tiah a ti.

Fiangtein ka lo sim: mi pakhat in a nupi kha mipa dang thawn zum tlak loin a um ti siar lo, a maak ih nupi dang a ṭhit asile cupa cu ṭaangṭawm sualnak tuahtu a si,” tiah a ti.

Cutikah Jesuh in a dungthluntu pawl hnenah, “Fiangtein ka lo sim: milian hrangah vancung Uknak sungih luh cu a har ngaingai a si.