Popular Bible Verses from LUKA 9

Share

Cule an zate hnenah, “Zokhal sisehla i thlun duh ahcun mah zawnruahnak kha tlansan sehla nitinte a thinglamtah phur in i thlun seh.

Ziangahtile zokhal siseh amah ih nunnak a hum duhtu cu a nunnak a sung ding; sikhalsehla keimah ih hrangah a nunnak a sungtu cu a nunnak a hum ngah ding.

Jesuh in a hnenah, “Zokhal dunglet hoi phah ih lei a lettu cu Pathian Uknak hrangah santlai lo a si,” tiah a ti.

Mi pakhat in leilung pumpi hi co ṭheh hmansehla amah ih nunnak a sun, a si lole a hloral a si ahcun ziangso hlawhmi a neih? Hlawhmi zianghman a nei lo.

Mi pakhat in keimah le ka thu zirhmi a zahpi ahcun Milai Fapa khal in a sunlawinak le a Pa le vancung mithiang pawl ih sunlawinak thawn a ra thlen tikah a zahpi ve ding.

Jesuh in, “Cinghnia pawl in kua an nei ih vate tla in bu an nei; sikhalsehla Milai Fapa cun riahnak le lu hngauhsannak hmun khal a nei lo,” tiah a ti.

Cule an hnenah, “Ka hmin in hi nauhakte a cohlangtu cu keimah i cohlang a si; keimah i cohlangtu cu i thlahtu a cohlang a si. Ziangahtile nanmah lakih mi nautabik cu a tum bik a si,” tiah a ti.