Popular Bible Verses from LUKA 11

Share

Mi ṭha lo nan si ko naón nan faale hnenah cun thil ṭha pek nan thiam a si ahcun vancung nan Pa in ziangtlukin so a diltu hnenah Thlarau Thianghlim cu a pek sinsin ding!” tiah a ti.

“Curuangah hiti in ka lo sim: dil uh, nan ngah ding; hawl uh nan hmu ding; king uh, nan hrangah sangka on a si ding.

Ziangahtile a diltu hmuahhmuah in an ngah ding, a hawltu cun an tong ding ih a kingtu hrangah sangka cu onsak a si ding.

Jesuh in an hnenah, “Thla nan cam tikah hiti in nan ti pei: ‘Kan Pa, Na hmin thianghlim cu upat si ko seh, Na Uknak thleng hram seh.

Kan parih sualnak a tuahtu pawl kan ngaithiam bangin, kan sualnak in ngaithiam ve aw. A harmi hniksaknak ah in thlengter hlah aw,’ tiah nan ti pei,” tiah a ti.

Nitin kan ṭulmi rawl in pe aw.

Nan mit tla cu nan pum hrangah mei-inn bangtuk a si. Nan mit a fim ahcun nan pumpuluk in a tleu ding, asinain nan mit a ṭhat lo ahcun nan pumpuluk in a thim ṭheh ding.

“Zohman in mei-inn vang tahratin an thup dah lo, a si lole kho an khuh dah keel lo; mei-inn vannak tung parah an ret ih cuticun a ra luttu pawl in khua ṭhatein an hmu a si.