Popular Bible Verses from JOHAN 19

Share

Jesuh in cuih sabitti thur cu a tep ih, “A kim ṭheh zo,” a ti. Cule a lu a kuun ih a thaw a cem.

Jesuh in ziang hmuahhmuah a kim ṭheh zo ti kha a thei; Ca Thianghlim sungih a ummi kimnak dingah, “Ka ti a haal,” tiah a ti.

Jesuh in a nu le a duhdawtmi dungthluntu pa cutawkih an din kha a hmu ih a nu hnenah cun, “Amah kha na fapa a si,” tiah a ti. Cule a dungthluntu pa hnenah cun, “Anih kha na nu a si,” tiah a vun ti. Cuihsin thokin dungthluntu pa in Jesuh ih nu cu a innah a umter.

Asinain Jesuh hnen an thlen tikah a thi ngah zo ti kha an hmu ih anih cu a ke an khiak lo. Ralkap pakhat in Jesuh ih hnak kha a feipi in a hun sun ih hmakhatte ah thi le tidai a suak.

Hitiih thil a cannak cu Ca Thianghlim sungah, “A ruh pakhatte hman an khiak lo ding,” tiih a ummi kha a kimnak dingah a si. Cule Ca Thianghlim hmun dangah, “An sunmi kha an zoh ding,” ti tla in a um.

A thinglamtah pu in a suak ih “Luruh Hmun,” an timi hmunah a thleng. Cuih hmun cu Hebru ṭong in “Golgotha,” an ti.

Ralkap pawl in hling a neimi thinghnge in lukhuh an phiar ih an khumter. Cule puan sen an sinter.