Popular Bible Verses from JOHAN 17

Share

Annih cu thutak in na ta siter hai aw; na ṭongkam cu thutak a si.

Cuih kumkhua nunnak timi cu nangmah lawng Pathian taktak na sizia theih le na thlahmi Jesuh Khrih theih hi a si.

“Anmah hrang lawngah thla ka cam a si lo; an thusimmi a thei ih keimah i zumtu ding pawl hrang khalah thla ka cam. An zatein pakhat an si theinak dingah thla ka cam. Ka Pa, nangmah cu ka sungah na um ih kei khal na sungih ka um vekin annih khal kan sungah um ve hram hai seh. Nangmah in i thlah hi leilung in an zum theinak dingah annih cu pakhat ah cang hram hai seh.

Anmah kha leilung ihsin lasuak aw tiah ka lo dil lo, asinain Miṭha lo pa ih hnen ihsin humhim hai aw tiah ka lo dil a si.

Nangmah le keimah cu pakhat kan si vekin annih khal pakhat ih an can theinak dingah nangmah ih i pekmi sunlawinak kha anmah khal ka pek ve a si. Annih pawl cu pakhat taktak an si ih cuticun leilung in nangmah ih thlahmi ka si ti a theihnak dingah le keimah i duhdawt vekin annih khal na duhdawt ti an theihnak dingah kei cu anmah ih sungah ka um ih nang cu ka sungah na um a si.